Тыдзень роднай мовы “Родная мова, цудоўная мова!” прайшоў у бібліятэках Століншчыны

Тыдзень роднай мовы “Родная мова, цудоўная мова!” прайшоў у бібліятэках Століншчыны, дзе наведвальнікаў сустракалі кніжныя выставы, прагляды беларускай літаратуры. На працягу тыдня гучалі вершы на беларускай мове, ладзіліся турніры і гульні, літаратурныя кампазіцыі.

?️У Давыд-Гарадоцкай гарадской бібліятэцы з нагоды Міжнароднага дня роднай мовы, які штогод адзначаецца ў свеце 21 лютага, у бібліятэцы прайшла гадзіна беларускай культуры “Вандроўка ў родную мову”. Удзельнікамі мерапрыемства сталі вучні 7 “Б” класа СШ № 1 разам з класным кіраўніком Петравец Аленай Рыгораўнай.

?️Літаратурна-краязнаўчая гадзіна «Загадкавыя словы рубельскай мовы» прайшла ў Рубельскай сельскай бібліятэцы.

?️Манькавіцкая сельская бібліятэка прапанавала інтэрактыўную выставу “Вандроўка ў родную мову”, дзе прадстаўлены кнігі аб роднай мове беларусаў. Тут жа можна паўдзельнічаць у акцых “Павітайся па-беларуску” і атрымаць за гэта цукерку, у стыкер-акцыi “Любімае слова на беларускай мове”.
Далучайцеся!

stolinbib43