ОТКРЫТИЕ ЁЛКИ В ДАВИД-ГОРОДКЕ

Нязвыкла было бачыць  столькі Дзядоў Марозаў і Снягурак  пад дажджом у мінулую нядзелю ў Давыд-Гарадку. Але цуды здараюцца менавіта пад Новы год.
Як толькі выйшлі навагоднія госці на плошчу Давыда, і дождж супакоіўся, і жыхары горада падышлі, каб парадавацца святу.
Ад кожнай арганізацыі горада былі свой Дзед Мароз і Снягурка. Яны весела заклікалі ўсіх дзетак і дарослых упрасіць старшага Дзеда Мароза запаліць прыгажуню-ёлачку, а ён, у сваю чаргу, даваў ім заданні: адказваць на розныя пытанні, танцаваць і, канешне, вадзіць карагод. У такой вось гульнявой форме і прайшло адкрыццё ёлкі ў Давыд-Гарадку.
Трэба дадаць, што ў Давыд-Гарадку такое свята было наладжана культработнікамі горада ўпершыню. Вядучая Юлія Драня дзякавала ўсім удзельнікам за арганізацыю мерапрыемства. Як падзяліліся сваімі ўражаннямі гарадчукі, было нечакана прыемна, весела і, нягледзячы на надвор’е, адчуваўся надыход Новага года!
Ніна КРОХ
Фота аўтара