18 верасня – Дзень работнікаў лесу: Хваёвы водар

16.09.2022

615

Rate this post

Дубайскае лясніцтва – самае вялікае ў нашым раёне.

Яго плошча складае амаль 24,4 тыс. га, гэта 245 квадратных кіламетраў. І ўсю гэтую вялізную тэрыторыю абслугоўваюць усяго 15 леснікоў. Толькі ўявіце сабе – з усходу на захад лясныя масівы працягнуліся на 55 кіламетраў!

Дубайскае лясніцтва ўнікальнае яшчэ і тым, што амаль 90 працэнтаў тэрыторыі – землі заказніка “Сярэдняя Прыпяць”. А гэта азначае, што тут трэба быць надта пільным: каб не было незаконных рубак ці браканьерства. Але, як гавораць работнікі лесу, правапарушэнняў у лесе цяпер менш. Ці то людзі сталі больш шкадаваць прыроду, ці то вялікія штрафы б’юць па кішэні.

Каардынуе дзейнасць лясніцтва даволі малады ляснічы Пётр Мельнік, які разам з калектывам вялікую ўвагу надае аднаўленню лесу. Так, у гэтым годзе ўжо пасадзілі каля 20 га лесу – у асноўным сосны, але былі і дубровы. Для сваіх патрэб у лесаматэрыяле ў лясніцтве ёсць свая невялікая цяпліца, дзе штогод гадуюцца дзясяткі тысяч саджанцаў сасны, якія праз гадоў дзесяць-дваццаць напоўняць паветра прыемным водарам хвоі.

Аляксандр НІКІФАРЭНКА

Фота аўтара

Post Views: 615

Обсуждение