Закладка сенажа – искусство
03.05.2024
103
0
25.07.2023
293
0
Першыя тысячнікі на ўборцы збожжавых і зернебабовых культур, рапса адзначыліся ў КСУП «Відзіборскі», якія задаюць агульны тэмп жніва.
Так, першую тысячу тон збожжа намалаціў экіпаж вопытных камбайнераў – Уладзіміра Вярэніча і Канстанціна Малея – якія на КЗС-1218 у мінулую пятніцу працавалі ў полі да самай цемры. Апошнія кілаграмы збожжа ад іх камбайна накіраваліся ў кузаў аўтамабіля, калі стрэлкі гадзінніка ўжо набліжаліся да поўначы. Дарэчы, для камбайнераў працаваць увечары і амаль да поўначы – звычайная справа.
– Калі сонца сыходзіць, то працаваць лягчэй, – кажа Уладзімір Вярэніч, для якога цяперашняе жніво 16 па ліку. – Не так спякотна. Хоць і працуе кандыцыянер, але праз шкло сонца так і пячэ ў рукі. Ды і выходзіць з кабіны даводзіцца час ад часу, каб праверыць стан і працаздольнасць камбайна.
Тое, што экіпаж у пятніцу адпрацаваў, як кажуць «за сябе і за таго хлопца», не прайшло дарэмна – Уладзімір Вярэніч і Канстанцін Малей першымі ў вобласці намалацілі тысячу тон збожжа на камбайне айчыннай вытворчасці.
– Маглі б стаць і ўвогуле першымі сярод усіх, але пэўны час давялося бавіць на рапсавым полі не з самай лепшай ураджайнасцю, – гаворыць камбайнер. – Калі б пачалі з пшаніцы, то вынік быў бы куды лепей. Але нічога страшнага, падцягнем яшчэ. Толькі за мінулую пятніцу мы з Канстанцінам намалацілі 235 тон збожжа! Так што ўсё магчыма.
А найвышэйшую планку па намалоце камбайнеры ўсталявалі для сябе летась, калі пераадолелі двухтысячны рубеж.
Апраўдалі двойчы свае намаганні Уладзімір і Канстанцін яшчэ і тым, што ўначы з пятніцы на суботу і першую палову дня неба зацягнула, і ліў дождж. Здарыўся нявымушаны прастой да нядзелі. І то, выйшлі ў поле якраз апоўдні, калі сонца і вецер агульнымі намаганнямі панізілі вільготнасць да прымальнай.
А ў нядзелю ў гаспадарцы ў палку тысячнікаў прыбыло – вадзіцель Валянцін Волчык на МАЗ-5551 першым у раёне перавёз 1006,1 тоны збожжа.
***
У цэлым па раёне па стане на 24 ліпеня ўбрана: 2 056 га з 4 300 га наяўных жыта (48 працэнтаў), намалочана 7 243 тон збожжа з сярэдняй ураджайнасцю 35,2 ц/га; 609 га з 6 206 га наяўных азімай пшаніцы (10 працэнта), намалочана 3 710 тон збожжа з сярэдняй ураджайнасцю 60,9 ц/га; 734 га з 3 728 га азімай трыцікале (20 прцэнтаў), намалочана 24 186 тон збожжа з сярэдняй ураджайнасцю 29,8 ц/га.
Перадавікі на ўборцы збожжавых і зернебабовых культур, рапсу ў Столінскім раёне (на 24 ліпеня 2023 года)
КАМБАЙНЕРЫ
Вярэніч Уладзімір Віктаравіч і Малей Канстанцін Васільевіч з КСУП «Відзіборскі» на КЗС-1218 убралі 275 га і намалацілі 1138 тон збожжа;
Сямейка Павел Пятровіч і Музычын Павел Уладзіміравіч з ААТ «Новая Прыпяць» на КЗС-1218 убралі 136 га і намалацілі 616 тон збожжа.
КАМБАЙНЕРЫ (сямейныя экіпажы)
Неўдах Юрый Уладзіміравіч і Неўдах Ілья Уладзіміравіч з КСУП «Відзіборскі» на КЗС-10 убралі 128 га і намалацілі 706 тон збожжа.
КАМБАЙНЕРЫ (маладзёжныя экіпажы)
Слуцкі Васіль Іванавіч і Слуцкі Андрэй Іванавіч з ААТ «Новая Прыпяць» на КЗС-1218 убралі 160 га і намалацілі 662 тоны збожжа;
Грэбень Аляксандр Іванавіч і Пачко Анатоль Сяргеевіч з КУВП «Манькавічы» на КЗС-1218 убралі 120 га і намалацілі 565 тон збожжа.
ВАДЗІЦЕЛІ
Волчык Валянцін Канстанцінавіч з КСУП «Відзіборскі» на МАЗ-5551 перавёз 1006,1 тоны збожжа;
Агіевіч Лявонцій Пятровіч з СУП «Рубельскі» на «Краз» перавёз 761,7 тоны збожжа;
Ляшкевіч Сяргей Ільіч з ААТ «Новая Прыпяць» на МАЗ-551605 перавёз 802 тоны збожжа;
Мамановіч Генадзь Іванавіч з КСУП «Беражное» на МАЗ-555142 перавёз 613,3 тоны збожжа.
МАШЫНІСТЫ НА ЗБОЖЖАСУШЫЛЬНЫХ КОМПЛЕКСАХ ПРЫ СУШЦЫ ЗБОЖЖА
Пашкевіч Мікалай Аляксандравіч і Пашкевіч Уладзімір Рыгоравіч з СУП «Рубельскі» на «Амкадор» перапрацавалі 1 404 тоны збожжа;
Савецкі Яўген Сцяпанавіч і Бакун Мікалай Піліпавіч з СВК «Фядорскі» на КЗС-40 перапрацавалі 1 440 тон збожжа.
УРАДЖАЙНАСЦЬ ЗБОЖЖАВЫХ
КСУП «Відзіборскі» (дырэктар Пашкевіч Сяргей Мікалаевіч), дзе ўбрана 22 % агульнай плошчы, намалочана 2233 тоны збожжа з ураджайнасцю 65,3 ц/га;
КСУП «Прыпяць-2009» (дырэктар Засімовіч Андрэй Канстанцінавіч), дзе ўбрана 17 % агульнай плошчы, намалочана 868 тон збожжа з ураджайнасцю 51,1 ц/га;
ААТ «Палеская ніва» (дырэктар Бародзіч Аляксей Мікалаевіч), дзе ўбрана 19 % агульнай плошчы, намалочана 1 672 тоны збожжа з ураджайнасцю 49,9 ц/га;
СУП «Рубельскі» (кіраўнік Ляшкевіч Аляксандр Іванавіч), дзе ўбрана 24 % агульнай плошчы, намалочана 1018 тон збожжа з ураджайнасцю 49,9 ц/га.
НАЙВЫШЭЙШАЯ ЎРАДЖАЙНАСЦЬ РАПСУ
СУП «Рубельскі» (кіраўнік Ляшкевіч Аляксандр Іванавіч), дзе ўбрана 100 % агульнай плошчы, намалочана 500 тон з ураджайнасцю 50,5 ц/га;
ААТ «Кароцічы» (дырэктар Кудласевіч Васіль Пятровіч), дзе ўбрана 100 % агульнай плошчы, намалочана 802 тоны з ураджайнасцю 50,1 ц/га;
ААТ «Палеская ніва» (дырэктар Бародзіч Аляксей Мікалаевіч), дзе ўбрана 100 % агульнай плошчы, намалочана 2 544 тоны з ураджайнасцю 42,4 ц/га;
КСУП «Рухчанскі» (дырэктар Лясько Аляксандр Мікалаевіч), дзе ўбрана 100 % агульнай плошчы, намалочана 764 тоны з ураджайнасцю 42,4 ц/га.
Обсуждение
Для отправки комментария Вам необходимо войти или зарегистрироваться.