На базе Альманскага сельскага Дома культуры адбыўся раённы семінар клубных работнікаў

На базе Альманскага сельскага Дома культуры адбыўся раённы семінар клубных работнікаў па тэме: «Правядзенне культурных мерапрыемстваў патрыятычнага кірунку як дзейсны метад патрыятычнага выхавання насельніцтва».

Навучэнцы мясцовай школы разам з клубнымі работнікамі паўдзельнічалі ў сюжэтна-гульнявой праграме «Падарожжа па Рэспубліцы Беларусь”, адказалі на пытанні віктарыны» мая Беларусь!», успомнілі славутасці нашай рэспублікі, таленавітых і знакамітых людзей Беларусі, назвалі асноўныя брэндавыя прамысловыя прадпрыемствы.Работнікі Дома культуры прадставілі інструментальныя і вакальныя нумары.

Удзельнікі семінара наведалі выставу «Тут Радзімы маёй пачатак” і выставу народнага майстра па лозапляценні Праскоўі Палукошка “Добрых рук тварэнне».

Загадчык метадычнага цэнтра Аксана Лянкевіч дала метадычныя рэкамендацыі па арганізацыі мерапрыемстваў па патрыятычным выхаванні розных катэгорый насельніцтва ў клубных установах.