Пример героизма и мужества
17.05.2024
127
0
15.11.2019
723
0
Дырэктар ААТ “Кароцічы” Васіль Пятровіч Кудласевіч – чалавек нешматслоўны. Ён упэўнены, што толькі па справах відаць чалавека.
За сваю прафесійную дзейнасць, якая налічвае 32 гады, неаднаразова ўпэўніваўся ў гэтым, таму звык давяраць людзям, якія стрымліваюць свае словы.
Нарадзіўся і вырас Васіль Пятровіч у Кароцічах у сям’і лесніка, у якой выхоўвалася акрамя яго яшчэ чацвёра дзяцей. Адразу пасля школы працаваў у мясцовым калгасе вадзіцелем, скончыўшы курсы ДТСААФ.
Пасля была служба ў арміі, якую праходзіў у танкавых вайсках у Германіі. Яго камандзір настойліва прапаноўваў стаць ваенным, але юнак вырашыў вярнуцца на радзіму і паступіў у Беларускі сельскагаспадарчы тэхнікум па падрыхтоўцы кіруючых кадраў калгасаў і саўгасаў і атрымаў спецыяльнасць агранома-арганізатара. Пасля заканчэння тэхнікума стаў студэнтам Усесаюзнага сельскагаспадарчага інстытута завочнай адукацыі і ездзіў на сесіі ў Маскву. За гады вучобы паспеў пазнаёміцца з усімі славутасцямі сталіцы былога СССР, таму з настальгіяй успамінае тыя часы.
А ў красавіку 1987 года прыйшоў на сваё першае рабочае месца галоўнага агранома ў калгас “XIX партз’езд” (цяпер КСУП «Відзіборскі»), дзе адпрацаваў 14 гадоў. Потым яшчэ чатыры гады быў на такой жа паса-дзе ў калгасе “Рассвет” у Дубаі, якім кіраваў яго брат Адам.
Яшчэ ў час вучобы ў тэхнікуме стварыў сям’ю з Кацярынай, якая таксама родам з Кароціч, і стаў бацькам дзвюх дачок Валянціны і Святланы. У 2004 годзе Васілю Пятровічу прапанавалі ўзначаліць на выбар некалькі гаспадарак, у тым ліку калгас “Новае жыццё”, які цяпер носіць назву ААТ “Кароцічы”. Рашэнне вярнуцца на сваю малую радзіму прыняў адразу, паколькі ведаў там кожны куточак і кожнае поле.
Васіль Пятровіч за справу ўзяўся па-гаспадарску і цяпер ААТ “Кароцічы” – адна з самых паспяховых гаспадарак у раёне, нягледзячы на тое, што з’яўляецца самай маленькай па сваіх памерах. Плошча складае 2100 гектараў, з якіх 898 – ворная зямля. На ўтрыманні ў гаспадарцы 2800 галоў кароў, і тут шчыльнасць буйной рагатай жывёлы на сто гектараў – 130 галоў. У гэтым годзе плануюць дасягнуць надой ад адной каровы ў 7 тысяч кілаграмаў малака.
І гэта не галаслоўная заява. Як стала вядома, ААТ “Кароцічы” стала пераможцам абласнога спаборніцтва па нарыхтоўцы якасных кармоў сярод сельскіх гаспадарак плошчай да пяці тысяч гектараў.
Трэба дадаць, што ў мінулым годзе яны ў гэтай групе занялі другое месца. Не сакрэт, што менавіта ад малака залежыць агульная рэнтабельнасць гаспадаркі. Трэба падкрэсліць, што тут не толькі вялікія надоі, але і якасныя паказчыкі адныя з лепшых у раёне: 77,2 працэнта малака рэалізуецца гатункам “экстра” пры сярэднім па раёне 58,8 працэнта.
Прыкметна тое, што ўвесь калектыў гаспадаркі імкнецца да агульнай мэты. Васіль Пятровіч па-цвярджае гэтае назіранне: “Мае хлопцы – залатыя работнікі”.
А тыя, у сваю чаргу, паважаюць Васіля Пятровіча за справядлівасць і ведаюць, што ён ніколі не кідае слоў на вецер. Прыемна бачыць такое супрацоўніцтва, якое прыводзіць вось да такіх цудоўных дасягненняў.
Ганна МЕЛЬНІК
Фота аўтара
Обсуждение
Читайте также
Пример героизма и мужества
17.05.2024
127
0
Только вперёд!
17.05.2024
238
0
Определении мест, разрешенных и запрещенных для купания в Столинском районе
16.05.2024
50
0
Два вида аренды водных объектов
15.05.2024
174
0
На республиканских автомобильных дорогах с 25 мая вводятся временные ограничения нагрузок на оси транспортных средств
15.05.2024
129
0
Разделить чужую боль
10.05.2024
423
0
Для отправки комментария Вам необходимо войти или зарегистрироваться.