Грамадская прыёмная: Валанцёрства, першае працоўнае месца і даплаты

Чым жыве моладзь Століншчыны? Якія праблемы сёння турбуюць маладых людзей? Што ў нашых сілах палепшыць ці змяніць? Такія пытанні былі абмеркаваны ў сераду, дзявятага снежня, у час работы грамадскай прыёмнай з удзелам першага сакратара РК ГА «БРСМ» Наталлі Пашкевіч.

Сакратар пярвічкі Столінскага дзяржаўнага прафесійнага ліцэя сельскагаспадарчай вытворчасці, выкладчык установы Вольга Касперская падняла пытанне ўладкавання на работу маладых спецыялістаў.
З гэтай праблемай, пэўна, сутыкаліся некаторыя з нас, толькі скончыўшы навучальную ўстанову. Сёння дзяржава гарантуе маладому спецыялісту першае працоўнае месца. Іншае пытанне: задаволіць гэтая прапанова маладога спецыяліста? Ёсць такія, хто адмаўляецца ад работы на вёсцы.
Таму сёння і ставіцца пытанне, каб замацаваць маладога спецыяліста на першым рабочым месцы і даць яму як мага болей ільгот.
У пятніцу, 11 снежня, у грамадскай прыёмнай (кабінет № 25 райвыканкама) з 17.00 да 18.00 гадзін будзе працаваць намеснік старшыні райвыканкама Сяргей Сідарэвіч. Усе жадаючыя могуць звярнуцца са сваімі пытаннямі асабіста ці патэлефанаваць на нумар 2 04 38.
Людміла
КАСПЯРОВІЧ
Фота аўтара