21 снежня Рэчыца прыняла эстафету пасля райцэнтра – у святочнай абстаноўцы на пляцоўцы каля магазіна «Усход» і кафэ «Палессе» адбылося адкрыццё навагодняй прыгажуні-ёлкі.
Галоўнае дрэва не такое высокае, як у Століне, але па-свойму прыгожае і стройнае. А яшчэ – дорыць святочны настрой.
Удзел у тэатралізаваным мерапрыемстве, падрыхтаваным мясцовымі работнікамі культуры, прыняла дзетвара са школ і дзіцячых садкоў рабочага пасёлка.
А сёння ўрачыстае адкрыццё ёлкі адбудзецца ў старажытным Давыд-Гарадку.
Аляксандр
НІКІФАРЭНКА
Фота аўтара
