Прафсаюзнае жыццё: Пленум прафсаюза аграрыяў

Адбыўся пазачарговы пленум раённай арганізацыі Беларускага прафсаюза работнікаў аграпрамысловага комплексу, на які сабраліся члены савета прэзідыума, старшыні пярвічных прафсаюзных арганізацый галіны, запрошаныя.
У рабоце пленума прынялі ўдзел член Савета Рэспублікі Нацыянальнага сходу, старшыня раённага выканаўчага камітэта Рыгор Пратасавіцкі і старшыня Брэсцкага абласнога камітэта Беларускага прафесійнага саюза работнікаў АПК Аляксандр Саланевіч.
Вёў пасяджэнне намеснік старшыні райкама прафсаюза работнікаў АПК Сяргей Пашкевіч, дырэктар КСУП «Відзіборскі«. На парадку дня стаялі арганізацыйныя пытанні, адно з якіх – выбранне старшыні.
Першым узяў слова старшыня раённага выканаўчага камітэта Рыгор Пратасавіцкі і прапанаваў кандыдатуру Уладзіміра Семянюка – чалавека вядомага ў раёне, ахарактарызаваў яго дзелавыя якасці, адзначыўшы, што для прафсаюзнага лідара трэба людзі менавіта такога складу: арганізаваныя, камунікабельныя, актыўныя.
Іншых кандыдатур не паступала. Таму за выбранне Уладзіміра Семянюка старшынёй райкама прафсаюза работнікаў АПК удзельнікі пленума прагаласавалі аднагалосна.
У сваёй прамове старшыня Брэсцкага абласнога камітэта Беларускага прафесійнага саюза работнікаў АПК Аляксандр Саланевіч нагадаў галоўную задачу прафсаюзаў: любіць людзей, працаваць для людзей…
Пленум закончыў сваю работу на прыемнай ноце. За шматгадовую добрасумленную працу, важкі асабісты ўклад у развіццё сацыяльнага партнёрства Ганаровымі граматамі Брэсцкага абласнога камітэта прафсаюза работнікаў АПК узнагароджаны намеснік начальніка па механізацыі філіяла ПМК-62 Віктар Папіціч і дырэктар КСУП «Відзіборскі« Сяргей Пашкевіч.
Ганаровыя граматы Столінскага райкама прафсаюза работнікаў АПК з рук Аляксандра Саланевіча атрымалі старшыні пярвічных прафсаюзных арганізацый: Валянціна Пінчук з КСУП «Струга«, Вікторыя Кузаўка з КСУП «Беражное«, Аляксандр Лічэўскі з УП «Столінскае ПМС«, Вадзім Ляшко са Столінскага ліцэя сельскагаспадарчай вытворчасці і Марыя Мароз са Столінскага аграрна-эканамічнага каледжа.
Галіна ГАШЧУК
Фота аўтара