Плануецца вакцынацыя будучых мам

Інактываванай вакцынай ад COVID-19 «Vero cell» можна рабіць прышчэпкі цяжарным на любым тэрміне і кормячым маці.
Пра гэта «НП» паведаміў выконваючы абавязкі загадчыка акушэрска-гінекалагічнага аддзялення Столінскай ЦРБ Аляксандр Варанкоў.
У нашым раёне 403 цяжарныя жанчыны, ні адна з якіх пакуль не зрабіла прышчэпку. Пры тым, што каранавірусная інфекцыя вельмі падрывае імунную сістэму і сур’ёзна пагражае здароўю і нават жыццю будучых матуль. На жаль, у рэспубліцы і нашым раёне ёсць сумныя прыклады.
Бліжэйшая пастаўка кітайскай вакцыны «Vero cell» будзе размеркавана паміж цяжарнымі і кормячымі мамамі нашага раёна.