Кожны голас важны: Краіна, як сям’я

Хутка адбудзецца рэферэндум наконт змяненняў і дапаўненняў у дзеючую Канстытуцыю Рэспублікі Беларусь. Гэтая падзея вельмі значная для нашай краіны, паколькі яна накіравана на яднанне народа. Беларускага народа з багатай гісторыяй і перспектывай.
І народа, які пад уздзеяннем з боку «зацікаўленых» у незалежнасці нашай дзяржавы асоб, быў на мяжы грамадзянскай вайны.
Калі з’яўляюцца пытанні, іх трэба вырашаць, і гэта факт. Але не чужым розумам, а сваім. Таму што, калі многа парад, сваё меркаванне можа знікнуць. Што мы маем зараз? Тыя грамадзяне, якія з’ехалі з краіны, пачынаюць нагадваць пра сябе праз сацыяльныя сеткі. Адзін супраць аднаго паўстаюць не толькі ў межах агульных знаёмых ці калектыву, але і ў межах адной сям’і. І гэта насамрэч вельмі дрэнна і няправільна.
Рэферэндум накіраваны на тое, каб людзі пачулі адзін аднаго. Але зноў пачынаюць гвалтаваць усіх нашы «сябры», маўляў, ён нічога не вырашыць. Гэта выгадна для тых, хто хоча, каб людзі сумняваліся: ісці на рэферэндум ці не. Калі ў чалавека няма сваіх думах, то ім лягчэй кіраваць.
Толькі рашучы і ўпэўнены ў сваім светапоглядзе чалавек не дазволіць сабой маніпуліраваць. Выбар трэба рабіць самастойна, а яго трэба рабіць. Бо быць «і вашым, і нашым» не атрымаецца.
Што тычыцца дапаўненняў, то мяне ў першую чаргу цікавіць дапаўненне пра патрыятычнае выхаванне. З малых гадоў грамадзянін павінен ганарыцца сваёй краінай, а не думаць, што ў іншай і хлеб смачнейшы, і птушкі лепш спяваюць. Маўляў, толькі за мяжой шчасце ёсць. Краіна, як сям’я , якая ніколі не здрадзіць, якой ты патрэбен. Так што, паважаныя чытачы, не дазваляйце кіраваць сабой, а бярыць адказнасць за будучыню ў свае рукі.
Ганна
МЕЛЬНІК