Гераіні нашага часу

Менавіта сёння – у Дзень маці, трынаццаць жанчын Століншчыны атрымалі дзяржаўную ўзнагароду – Ордэн маці. У нашай краіне ён уручаецца за нараджэнне і выхаванне пяці і больше дзяцей.
Са святам і атрыманнем ордэнаў матуль павіншаваў старшыня Столінскага раённага Савета дэпутатаў Аляксандр Ярашэвіч.
Аляксандр Мікалаевіч адзначыў вялікую ролю жанчын у першую чаргу ў стварэнні і падтрыманні сямейных каштоўнасцяў. Але немалаважны на сёння і той факт, што прыгожая палова чалавецтва на роўных з мужчынамі ўзначальвае прадпрыемствы і арганізацыі, працуе на вытворчасцях, выконвае шэраг зусім, здавалася б, не жаночых абавязкаў.
Тым не менш, сучасным маці ўсё па плячы. І даволі часта яны прыклад і ўзор не толькі для сваіх родных і блізкіх, але і для калег, суседзяў, знаёмых. Таму бць мнагадзетнай маці – гэта не толькі вялікае шчасце, але і вялікая адказнасць і шмат абавязкаў.
Старшыня раённага Савета дэпутатаў гаварыў і пра ролю дзяржавы. Менавіта дзякуючы яе сацыяльнаарыентаванаму кірунку ёсць гарантаваныя льготы, падтрымка для мнагадзетных сем’яў і не толькі.
Цёплыя словы віншаванняў выказала і старшыня раённай арганізацыі «Беларускі саюз жанчын» Таццяна Лабадзінская. Таццяна Адамаўна пажадала ўсім матулям здароўя, дабрабыту, цеплыні і падтрымкі ад блізкіх.
Цудоўнымі падарункамі пад час урачыстасці былі музычныя кампазіцыі ад работнікаў культуры раёна.
На сёння ў Столінскім раёне 2288 мнагадзетных сем’яў, у якіх гадуюцца 8250 дзяцей. Ордэнам маці ўзнагароджаны 773 жанчыны.
Алена
КЛІМУШКА
Фота аўтара