2020 год адлічвае свае апошнія гадзіны. Ноччу мы перагорнем каляндар і ўпэўнена ўвойдзем у 2021. Адыходзячы год быў розным, але ён навучыў нас многаму: цярпенню, дабрыні, спагадзе, веры, зрабіў нас мацнейшымі і сталейшымі.
Менавіта сёння мы кажам дзякуй адыходзячаму году і ўсім, хто быў з намі побач.
Ад душы мы дзякуем нашым падпісчыкам, пастаянным чытачам, для якіх «Навіны Палесся» – гэта крыніца навін, што натхняе і вядзе за сабою.
У 2021 годзе мы жадаем кожнаму з вас, паважаныя, здароўя, дабрыні, шчасця, дабрабыту. А мы і надалей будзем прыносіць у ваш дом навіны, знаёміць з цікавымі людзьмі, расказваць пра самыя яркія падзеі.
Калектыў рэдакцыі газеты «Навіны Палесся»
Фота Аляксандра Кузьміча (г. Давыд-Гарадок)
