Віншаванні з мінулым Днём Незалежнасці прымала 11 ліпеня жыхарка г. Давыд-Гарадка – Карына Галавач, у якой 3 ліпеня
адбылася цудоўная падзея – яна стала мамай.
Галоўнае свята краіны кожны год стано-віцца для дзясяткаў сем’яў самым запа-мінальным, бо гэта яшчэ і дзень нара-джэння іх дзяцей. Ужо шмат гадоў запар ва ўсіх рэгіёнах праходзіць акцыя «Белая Русь» – з любоўю да дзяцей». Мамы, чые дочкі і сыночкі з’явіліся на свет 3 ліпеня, атрымліваюць падарункі ад грамадскага аб’яднання «Белая Русь».
– Жадаем маленькаму грамадзяніну нашага раёна расці здаровым і моцным хлопчыкам, радаваць бацькоў сваімі поспехамі, – пажадаў Вячаслаў Шэлест, старшыня раённай арганізацыі ГА «Белая Русь», уручаючы падарункі маладым бацькам.
У сям’і Карыны і Уладзіслава Галавач – гэта першае дзіця.
– Арцёмка з’явіўся на свет у 23.10 трэцяга ліпеня, – з усмешкай кажа маладая мама. – Можна сказаць, што ён нарадзіўся пад залпы феерверкаў, калі ўся краіна шчыра радавалася нашай незалежнасці. Спадзяюся, што жыццё сыночка будзе лёгкім і шчаслівым пад мірным небам.
Вольга ГУСАК
Фота
Вячаслава Шэлеста
