У Столінскім раённым краязнаўчым музеі адбылася святочная праграма, прысвечаная Міжнароднаму дню музеяў.
Калег і гасцей свята павіншавалі дырэктар музея Аляксандр Сімончык і начальнік аддзела культуры Васіль Заруба. Наведвальнікі з цікавасцю і вялікай асалодай паглядзелі выступленні мастацкіх калектываў — узорнага ансамбля танца «Карамель», народнага клуба аматараў гумару і песні «Моства» Мачульскага сельскага дома фальклору, вакальнага ансамбля Рамельскага сельскага цэнтра культуры і вольнага часу, народнага драматычнага тэатра «Вестники».
