На гэтым тыдні ў нашым раёне адбылося адразу тры пажары.
26 кастрычніка ў Столінскі РАНС паступіла паведамленне аб пажары ў Хатомелі. Загарэлася гаспадарчая пабудова, што належыць грамадзянцы 1939 года нараджэння. Агонь пашкодзіў дах і перакрыцце.
Чарговы званок паступіў 27 кастрычніка з Давыд-Гарадка. У 15.15 у гаспадарцы грамадзяніна 1953 года нараджэння таксама загарэлася гаспадарчая пабудова. У 15.22 на месца здарэння прыбылі выратавальнікі, збудаванне было цалкам ахоплена агнём. Праз чатыры хвіліны пажар быў ліквідаваны, пабудова знішчана агнём.
28 кастрычніка ў 01. 08 пажар адбыўся ў жылым доме ў Велямічах. Выратавальнікі адразу выехалі на дапамогу. Дом быў цалкам ахоплены агнём, гаспадары знаходзіліся на вуліцы. У 01.40 пажар быў ліквідаваны. У выніку ўзгарання знішчаны дах, перакрыцце, пашкоджаны сцены і маёмасць.
Прычыны пажараў высвятляюцца. Будзьце пільнымі, беражыце сябе і сваіх блізкіх!
Людміла КАСПЯРОВІЧ
