Сям’я Філановічаў з аг. Рубель занялі другое месца ў вобласці ў праекце «Уладар сяла»

У абласным этапе рэспубліканскага сямейнага сельскагаспадарчага праекта «Уладар сяла», які праходзіў у анлайн-фармаце, прынялі ўдзел 14 сем’яў з розных сельскіх населеных пунктаў. Наш раён прадстаўляла сям’я Філановічаў з аг. Рубель.
Канкурсанты падрыхтавалі відэаролікі пра свой сямейны быт, падворак, гаспадарку. Яны агучылі кулінарныя здольнасці і любімыя стравы, захапленні і асноўны занятак кожнага члена сям’і, падзяліліся з іншымі планамі на будучыню і расказалі пра любоў да зямлі, нястомную працу і вырошчванне агародніны. А таксама напісалі эсэ «Мая сям’я – самая лепшая».
Днямі журы конкурсу падвяло вынікі спаборніцтва маладых сем’яў, згодна з якімі Віктар і Святлана Філановічы разам са сваімі дзеткамі занялі другое месца ў вобласці.
Віншуем пераможцаў і жадаем новых поспехаў.