Першага верасня на першай лінейцы з нагоды Дня ведаў старшыня райвыканкама член Савета Рэспублікі Нацыянальнага сходу Рэспублікі Беларусь Рыгор Пратасавіцкі пабываў у роднай Відзіборскай сярэдняй школе, які павітаў прысутных і пажадаў дзецям, настаўнікам і бацькам моцнага здароўя і поспехаў у новым навучальным годзе.
Таксама прыйшлі павіншаваць прысутных старшыня мясцовай гаспадаркі КСУП “Відзіборскі” Сяргей Пашкевіч, які ўручыў першакласнікам падарункі, і старшыня сельвыканкама Васіль Некрашэвіч. Трэба адзначыць, што падарункі ад прадстаўнікоў КСУП “Відзіборскі” у Дзень ведаў атрымалі ўсе першакласнікі, якія ўпершыню сядуць за парты таксама ў Дубаі і Асавой.
Аляксандр НІКІФАРЭНКА
Фота аўтара
