31 сакавіка ў раённым аб’яднанні прафсаюзаў і тэрытарыяльным цэнтры сацыяльнага абслугоўвання насельніцтва адбыўся прававы прыём грамадзян.
Вялі прыём галоўны прававы інспектар працы Таццяна Кандрашова і галоўны тэхнічны інспектар працы Брэсцкай абласной арганізацыі Беларускага прафсаюза работнікаў дзяржаўных і іншых устаноў Сяргей Рыжкоўскі, старшы памочнік пракурора Столінскага раёна Галіна Снюк пры ўдзеле старшыні раённага аб’яднання прафсаюзаў Вячаслава Шэлеста, а ў Столінскім ТЦСАН — і дырэктара Людмілы Мароз.
Пытанні тых, хто звярнуўся на прыём, тычыліся тлумачэння нормаў заканадаўства, якое рэгулюе сферу працоўных і звязаных з імі праваадносін. У прыватнасці, аб парадку ўнясення змяненняў і дапаўненняў у калектыўны дагавор; аб прадастаўленні штогадовых працоўных адпускоў і парадку адклікання з працоўнага водпуску; аб парадку прадастаўлення дадатковага вольнага дня ў тыдзень маці, якія выхоўваюць траіх дзяцей ва ўзросце да 16 гадоў.
На ўсе пытанні грамадзяне атрымалі кампетэнтныя адказы спецыялістаў.
Асаблівасцю прыёму стала ўручэнне граматы Беларускага прафесійнага саюза работнікаў дзяржаўных і іншых устаноў Таццяне Лабадзінскай, кіраўніку спраў райвыканкама, старшыні раённай арганізацыі галіновага прафсаюза. Гэтай узнагародай адзначана добрасумленная праца, высокі прафесіяналізм, плённая грамадская дзейнасць, актыўная работа па абароне працоўных, сацыяльна-эканамічных і законных інтарэсаў членаў прафсаюза, асабісты ўклад у развіццё прафсаюзнага руху Беларусі Таццяны Адамаўны.
Галіна ГАШЧУК
