Падоўжаны тэрміны дзеяння пропускаў у пагранічную зону і пагранічную паласу на Століншчыне

У сувязі з уступленнем у законную сілу Указа Прэзідэнта Рэспублікі Беларусь ад 19 мая 2020 года № 172 «Аб падаўжэнні тэрміну дзеяння дакументаў» пагранічнікі нагадваюць, што калі тэрмін дзеяння пропускаў на права ўезду (уваходу), часовага знаходжання, перамяшчэння ў пагранічнай зоне і пагранічнай паласе мінуў (мінае) з 30 красавіка па 31 ліпеня 2020 года, то тэрмін іх дзеяння працягваецца яшчэ на тры месяцы.
Нягледзячы на гэтыя акалічнасці, грамадзяне і юрыдычныя асобы могуць звярнуцца ва ўстаноўленым парадку ў тэрытарыяльны орган пагранічнай службы, каб атрымаць пропуск.