У мінулую суботу адбылося ўрачыстае ўручэнне пашпартоў у Сямігосціцкай сярэдняй школе. Свае першыя дакументы атрымалі вучні 9-10 класаў.
Таксама 35 старшакласнікаў атрымалі падарунак ад прэзідэнта краіны – кнігі «Я – грамадзянін Рэспублікі Беларусь».
З прывітальным словам выступіў намеснік старшыні Столінскага райвыканкама Сяргей Сідарэвіч. Ён нагадаў дзецям, наколькі важна добра вучыцца, бо без адукацыі зараз нельга. Палешукі заўжды славіліся сваёй працавітасцю і гаспадарлівасцю і гэтую традыцыю нельга парушаць. Сяргей Фёдаравіч пажадаў, каб у будучыні ўсе выпускнікі знайшлі сваё месца ў жыцці і ганарыліся краінай, у якой нарадзіліся. Бо няма лепшага краю за родны!
Павіншаваў усіх вучняў і дырэктар школы Уладзімір Разановіч. А музычны падарунак, які крануў сэрца кожнага з прысутных, падарыла вучаніца 9-га класа Святлана Андрайчук.
Ганна МЕЛЬНІК
Фота аўтара
