Праходзіць народнае галасаванне за выбар праектных прапаноў. Выбраны праект атрымае фінансаванне. Праект “Тэатр пад адкрытым небам” Цэнтра падтрымкі маладых інвалідаў удзельнічае ў галасаванні. Арганізатары хочуць атрымаць сродкі на пабудову летняга амфітэатра ў вёсцы Лука для правядзення летніх лагераў.
Нагадаю, што лагер “Тэатра пад адкрытым небам” для людзей з абмежаванымі магчымасцямі праходзіць кожнае лета вось ужо 10 гадоў. Але працаваць і жыць, ставіць спектаклі ўдзельнікам, валанцёрам даводзіцца не ў зусім добрых умовах.
Для падтрымкі праекта патрэбна накіраваць СМС на кароткі нумар 7755. У паведамленні напісаць толькі 2200. Прагаласаваць можна з аднаго нумара толькі адзін раз. Галасаванне прадоўжыцца да 21 гадзіны 10 сакавіка.
Падтрымаем разам ініцыятывы людзей з абмежаванымі магчымасцямі!
Таццяна СЕГЕН
