У мінулую суботу, 17 красавіка, творчыя калектывы раёна выступілі з канцэртнымі праграмамі перад абласной камісіяй на пацвярджэнне званняў “Народны” і “Узорны”.
У Столінскім раённым цэнтры дзіцячай творчасці званне “Узорная” абараняла студыя народных промыслаў “Вышыванка” пад кіраўніцтвам Валянціны Лёгкай.
На сцэне Рэчыцкага гарадскога дома культуры свае праграмы паказалі народны фальклорна-этнаграфічны калектыў “Верасень” (кіраўнік Алена Дубойская) і народны клуб аматараў гумару і песні “Моства” Мачульскага сельскага дома фальклору (кіраўнік Ніна Дабрынец).
