Здаўна лічыцца, што Купальская ноч носіць цудатворны характар. Прырода раскрываецца і напаўняе сваімі сіламі ўсё навокал. Гэта шумнае і цікавае свята нашых продкаў, традыцыі якіх клапатліва берагуць у Беларусі.
На Століншчыне літаральна ў кожным населеным пункце ў гэтую ноч можна з галавой акунуцца ў гулянні і звычаі.
Цэнтрамі ўрачыстасцяў штогод становяцца г. Столін, г. Давыд-Гарадок і аг. Лядзец.
Мясцовыя жыхары, музычныя і танцавальныя калектывы, госці з суседніх населеных пунктаў збіраюцца разам, каб павесяліцца і паказаць свае сілы ў розных забавах.
Маладыя дзяўчаты збіраюць кветкі на берагах вадаёмаў і варожаць на будучыню. Для гэтага плятуцца вянкі і спускаюцца на ваду. Асаблівай і асноўнай часткай лічацца карагоды вакол вогнішчаў, якія напярэдадні збіраюць маладыя хлопцы.
На вуліцы ўжо 2023 год, а Купалле да гэтага часу застаецца асаблівым, чароўным, атмасферным, адным з самых цікавых святаў ва ўсім каляндарным годзе. Таму прапануем вашай увазе яскравы фотарэпартаж святкавання з розных населеных пунктаў нашага раёна.
Надзея ГРЭЧКА
Фота аўтара,
Аляксандра НІКІФАРЭНКІ,
Вольгі Сеген
