Калі згода ў калектыве – работа кіпіць

Упэўнены загадчык фермы па дагадоўлі цялят ААТ «Кароцічы» Сцяпан Сямейка і запрашае фатаграфавацца адну з лепшых жывёлаводаў Наталлю Сулкоўскую.
Наталля працуе ў гаспадарцы з 2010 года. Спачатку прый-шла на работу на свінаферму. Калі яе зачынілі, перайшла ў цялятніцы.
Работу сваю вельмі любіць, што не дзіўна, бо перадалася яна ў спадчыну. Бацька Уладзімір Пракаповіч – брыгадзір у гаспадарцы многа гадоў. Маці – аграном, таксама працавала ў брыгадзе. Дарэчы, старэйшая дачка Наталлі – Аліна – таксама выбрала сельскагаспадарчую прафесію і зараз з’яўляецца студэнткай трэцяга курса Ваўкавыскага дзяржаўнага аграрнага кале-джа. Вось што значыць, калі цудоўны прыклад перад вачыма.
Работа ў Наталлі адказная, паколькі яна даглядае маленькіх цялятак і пакрывае цялушак. Потым іх размяркоўваюць па малочнатаварных фермах.
Працоўны дзень ненарміраваны, але да гэтага звыкла жывёлавод і размяркоўвае свой час так, каб усё паспець.
А самае галоўнае, што адзначае жанчына, гэта разуменне ў калектыве і цудоўнае стаўленне кіраўніцтва, якое для сваіх работнікаў стварае ўсе умовы.
У гэтым годзе былі пабудаваны пяць новых цялятнікаў. Тут знаходзіцца на дагадоўлі 1186 жывёлін ва ўзросце ад двух тыдняў да шасці месяцаў.
– Жывёла патрабуе такога ж догляду, як людзі, – кажа Наталля Уладзіміраўна. – Да нас прыязджае спецыяльны апарат ультрагукавога даследавання, на якім мы правяраем тэрмін цяжарнасці жывёлы перад тым, як адправіць на ферму. Гэта важна, каб атрымаць добры выхад цялят у будучыні. Усё ўзаемазвязана, таму на кожным этапе патрэбна быць уважлівым і не дапускаць памылак.
Пацвярджае словы і загадчык Сцяпан Сцяпанавіч, які вярнуўся ў гаспадарку пасля некалькіх месцаў работы. Кажа, родныя мясціны прыцягваюць. Самае галоўнае ў любым калектыве – павага і ўзаемаразуменне. Тады і работа кіпіць.
Ганна МЕЛЬНІК
Фота
аўтара