Грамадская прыёмная: Сямейныя каштоўнасці – традыцыйныя

Працоўныя і эканамічныя гарантыі, ахова правоў уласнасці, даступнасць адукацыі, садзейнічанне кожнаму грамадзяніну ў набыцці свайго жылля засталіся нязменнымі ў Канстытуцыі Рэспублікі Беларусь.
Днямі ў грамадскай прыёмнай (г. Столін, вул. Савецкая, 69, служба «Адно акно») працаваў старшыня раённага аб’яднання прафсаюзаў, старшыня раённай арганізацыі РГА «Белая Русь» Вячаслаў Шэлест.
У ходзе прыёму гаварылі пра тое, што ў Канстытуцыі прынцыповая пазіцыя – захаванне сацыяльнай накіраванасці дзяржаўнай палітыкі. Аднак у праекце, што цяпер абмяркоўваюць грамадзяне краіны, асаблівая ўвага нададзена выхаванню традыцыйных сямейных каштоўнасцяў, падтрымцы сем’яў з дзецьмі, дзяцей-сірот, клопату аб пажылых людзях і інвалідах. Гэта, здаецца на першы погляд, само сабой зразумела, але канкрэтныя прыклады апошніх гадоў усё ж такі паказалі, што, каб не страціць нацыю, самабытнасць, трэба і такія моманты замацаваць як усеагульны закон.
Алена
КЛІМУШКА