Пятнаццатага кастрычніка ў аддзеле ЗАГс г. Століна зарадзілася новая сям’я. Вузамі шлюбу злучыліся Віталь Несцяровіч і Кацярына Дульская. Маладая пара жыве ў
г. Мінску, ён – статны міліцыянер, яна – прыгажуня медсястра.
Па супадзенні мінулы тыдзень быў прысвечаны Дню маці, таму павіншаваць маладых прыйшлі начальнік упраўлення па працы, занятасці і сацыяльнай абароне Любоў Дземідовіч і шматдзетная маці Валянціна Вабішчэвіч.
Валянціна Вабішчэвіч з в. Вікаравічы 11 гадоў замужам. Разам з мужам выхоўваюць пецярых дзяцей ад 2 да 10 гадоў. Нядаўна яна была ўзнагароджана ордэнам Маці. Валянціна, якая ўжо ведае радасці і цяжар сямейнага шчасця, падзялілася сваім вопытам і расказала, як выдатна быть матуляй. А потым уручыла падарунак маладой сям’і і ў вершах нагадала ім пра тое, як важна любіць і шанаваць сваіх маці.
Жадаем шчасця маладой сям’і і спа-дзяемся, што калі-небудзь нявеста таксама стане шматдзетнай мамай.
Надзея ГРЭЧКА
Фота аўтара
