• ru
  • by
  • 14 апреля

    USD

    EUR

    Столин

    11C

    Ад настаўніка да дырэктара

    23.01.2024

    502

    0

    5/5 - (1 голос)

    Маё апавяданне пра педагога – дырэктара базавай школы, які дзесяць гадоў таму вярнуўся на сваю малую радзіму ў вёску Мачуль з горада Мінска.

    Уладкаваўся працаваць у Рамельскую сярэднюю школу настаўнікам англійскай мовы, а з лютага 2021 стаў дырэктарам Мачульскай базавай школы.
    Эдуард Макарыцкі – харызматычны, мэтанакіраваны і пісьменны кіраўнік. У 2010 годзе скончыў Мінскі дзяржаўны лінгвістычны ўніверсітэт па спецыяльнасці «Сучасныя замежныя мовы».
    Яго першыя крокі на гэтай паса-дзе ўжо зараз можна лічыць цалкам удалымі. Апроч такой адказнай пасады, дырэктар яшчэ выкладае ўрокі англійскай мовы. Нагрузка ў школе – дзевяць гадзін, іншымі словамі – тры ўрокі тры дні на тыдзень. Вучэбны працэс дапамог маладому кіраўніку хутка ўцягнуцца ў жыццё базавай школы, адчуць праблемы знутры.
    – Згаджаючыся на пасаду кіраўніка, не зусім разумеў, наколькі высокая адказнасць – быць дырэктарам сельскай школы, хай і з невялікім штатам і колькасцю вучняў, – кажа Эдуард Уладзіміравіч. – На справе аказалася, што клопатаў у дырэктара безліч. Але мне дапамагаюць галоўныя спецыялісты аддзела па адукацыі, загадчык і спецыялісты раённага вучэбна-метадычнага кабінета, кіраўнікі суседніх школ. Без іхняй прафесійнай падтрымкі было б вельмі цяжка ўлівацца ў гэтую сферу.
    Эдуард Уладзіміравіч – хоць і малады кіраўнік, але недаверу сярод калектыву і калег ніколі не адчуваў, выключна падтрымку.
    – Калі да нас у школу прыйшоў Эдуард Уладзіміравіч, ён быў вельмі сарамлівым, – кажа настаўнік матэматыкі Вольга Пытэль. – Бывала, што ад вопытнай гвардыі педагогаў у яго бок гучалі заўвагі, але ён заўсёды прымаў іх вельмі спакойна, прыслухоўваўся да іх меркавання.
    – Мы яго аберагаем і пад-трымліваем ва ўсім, – распавядае старшыня пярвічнай прафсаюзнай арганізацыі Таццяна Мальцэвіч. – Наш дырэктар – тактоўны, ветлівы, добразычлівы ў адносінах з аднавяскоўцамі. Карыстаецца аўтарытэтам сярод вучняў, работнікаў школы, бацькоў і грамадскасці. Імкнецца ўсе канфліктныя сітуацыі вырашаць мірным шляхам.
    Малады кіраўнік ні на што не скардзіцца. Цяпер для яго важны вопыт, які ён набывае кожны дзень, прыходзячы ў школу, якая стала роднай.
    Быць настаўнікам – гэта выдатна! Быць дырэктарам школы – адказна!
    Вольга СЕГЕН
    Фота аўтара

    Обсуждение

    Для отправки комментария Вам необходимо войти или зарегистрироваться.

    Разработка сайта

    Техподдержка сайтаSAKURAWEB

    SEO-продвижение

    Яндекс.Метрика