Пра што гавораць жанчыны

Што хвалюе сучасных жанчын, пра каго іх клопаты, на чый адрас словы падтрымкі? Гэтыя і іншыя пытанні абмяркоўвалі прадстаўнікі раённай арганізацыі ГА «Беларускі саюз жанчын» у ходзе дыялогавай пляцоўкі «Роля жанчыны ў сучасным грамадстве».
Як адзначыла старшыня раённай арганізацыі «БСЖ» Таццяна Лабадзінская, сёлета грамадскаму аб’яднанню спаўняецца 30 гадоў. Але не толькі юбілей у цэнтры ўвагі, шмат мерапрыемстваў па ініцыятыве менавіта жанчын праводзіцца і пад эгідай Года народнага адзінства.
Яшчэ адной тэмай, якая цяпер на слыху, стала зацвярджэнне новага дзяржаўнага свята 17 верасня – Дня народнага адзінства. Жанчыны выказвалі свае меркаванні па гэтай тэме, дзяліся думкамі.
Актыўныя прадстаўніцы прыгожай паловы чалавецтва гаварылі і пра пытанні гендэрнай палітыкі, сямейных адносін, праблемы мнагадзетных сем’яў, захаванне здароўя, а таксама пра жанчын-лідараў.
Дыялог атрымаўся насычаным, цікавым і карысным.
У мерапрыемстве прынялі ўдзел прадстаўніцы Беларускага фонду міру і прафсаюза дзяржаўных устаноў.
Тэкст і фота
Алены
КЛІМУШКА