У гэтым месяцы ўладальнікамі ключоў ад новых кватэр стануць 40 сем’яў у Століне – пабудаваны сучасны 40-кватэрны дом па вуліцы Быкоўскага, 14.
З агульнай масы пяціпавярховых дамоў гэты вылучаецца нестандартнай для нашага райцэнтра афарбоўкай. Будавалі гэты дом генеральны падрадчык Столінская ПМК-24 і субпадрадчык Столінская ДБПМК-32. Сёння ідуць работы па добраўпарадкаванні двара. Прыемна, што клапоцяцца і пра ўладальнікаў аўтатранспарту, падводзячы вялікія стаянкі.
Таксама гэтыя арганізацыі зараз будуюць 40-кватэрны дом на беразе Копанца па вуліцы Савецкай, 96б. Пакуль работы вядуцца на трэцім паверсе і калі ўсё будзе ісці па графіку, то аб’ект будзе здадзены ў кастрычніку-лістападзе гэтага года. Трэба падкрэсліць, што ў будаўніцтве двух аб’ектаў выкарыстана цэгла Гарынскага камбіната будаўнічых матэрыялаў.
Аляксандр НІКІФАРЭНКА
Фота аўтара
