• ru
  • by
  • 20 сентября

    USD

    EUR

    Столин

    6C

    Есці ў полі ў два разы смачней

    23.07.2021

    373

    0

    Зараз набірае абароты ўборка. Гудуць на палях трактары, ездзяць машыны з поўнымі прычэпамі збожжа. Ліпень сёлета выдаўся надта спякотным. Але гэта не перашкаджае руплівым механізатарам.
    А яшчэ не перашкаджае голад, паколькі абедаюць і вячэраюць яны своечасова. У ААТ «Палеская ніва» дастаўляе абеды на поле Вячаслаў Зіноўеў, а раздае – яго жонка Ганна, якую давялося сфатаграфаваць якраз за гэтай справай. Абедалі механізатары з апетытам, уладкаваўшыся ў цяньку.
    – Нашы дзяўчаты выдатна гатуюць, а на полі есці ў два разы смачней, – дадаюць мужчыны.
    Ганна Уладзіміраўна працуе на раздачы другі сезон. Дагэтуль была малакапрыёмшчыкам, але потым яе скарацілі, бо насельніцтва масава пачало прадаваць кароў. Яшчэ некалькі гадоў працавала ў Столінскай ПМК-24.
    Жанчына ўпэўнена, што да любой работы трэба ставіцца адказна. Таму і зараз не мае нараканняў. Кожны дзень у 8.00 ужо ў сталовай. Выязджаюць з абедамі ў 12 гадзін. Пакуль аб’едуць 11 кропак, то вяртаюцца каля 16.00. Бяруць чысты посуд і развозяць вячэру, якую чакаюць на пяці прыпынках. Дадому вяртаецца каля 20.00.
    – Цікава, якім стравам аддаюць перавагу мужчыны?
    – Усё ядуць, заўваг, прынамсі, чуць не даводзілася. У нас меню распісана на тыдзень. Па аўторках і пятніцах – стравы з крупаў. Любяць суп гарохавы. Хваляць катлеты. Карацей кажучы, з’ядаюць да апошняй лыжкі нашы механізатары.
    Паколькі працуе разам з мужам, паспявае з ім і надзённыя справы абмеркаваць. А іх хапае. Сям’я трымае парнік, садзяць рознай агародніны патрохі, вось хутка буякі павінны пайсці. Хто ведае, якая культура ў гэтым годзе будзе прыбытковай?
    Два гады жывуць у сваім доме, які будавалі разам з мужам.
    А самае галоўнае багацце – гэта, канешне, дзеці. Іх у сям’і Зіноўевых чацвёра. Старэйшы Аляксей скончыў машынабудаўнічы каледж, працуе ў Мінску. Дзмітрый вучыцца ў Пінскім аграрна-тэхнічным каледжы. Туды ж збіраецца паступаць пасля заканчэння ў гэтым годзе базавай адукацыі і дачка Яўгенія. А вось дома чакае яшчэ адна дачушка Марыя, якая перайшла ў другі клас.
    Усе яны разам у нядзелю збяруцца за адным сталом, паколькі Ганна будзе адзначаць дзень нараджэння. А лепшым падарункам для яе стануць усмешкі родных.
    Ганна
    МЕЛЬНІК
    Фота аўтара

    Автор публикации

    не в сети 5 часов

    admin

    Комментарии: 1Публикации: 6007Регистрация: 17-05-2019

    Обсуждение

    Для отправки комментария Вам необходимо войти или зарегистрироваться.

    Разработка сайта

    Яндекс.Метрика