Віншуем пераможцаў конкурсу «Навіны Палесся» ў кадры»

16.01.2021

589

5/5 - (1 голос)

Дзякуем усім, хто прыняў удзел у конкурсе «Навіны Палесся» ў кадры».
У вас атрымаліся цудоўныя фота і відэа, вершы і матэрыялы. Было прыемна бачыць у кадры як самых маленькіх нашых чытачоў, так і сталых. Кожны з вас па-свойму адлюстроўваў свае зносіны з раённай газетай.
Кацярына Слуцкая з Веляміч даслала нам фота дзетак у навагодніх касцюмах пад елачкай з «НП», Аксана Калесніковіч са Століна – здымак самага маленькага нашага чытача, які пакуль толькі праглядае старонкі газеты. А вось Валянціна Вабішчэвіч з Вялікіх Вікаравічаў разам з вучнямі 2 «А» класа зрабіла сапраўдную казачную фотасесію ў лесе. Настаўніца Валянціна Сенькавец з Белавушы правяла цэлае даследаванне на ўроках беларускай мовы па старонках раённай газеты.
Марыя Міцкевіч з Малых Арлоў напісала верш, які яе дачушка прадэкламавала, а Юлія СЯнько з Лядца расказала пра фотаздымак свайго дзядулі на старонках газеты, якая беражліва захоўваецца ўжо дзясяткі гадоў.
Антаніна Смірнова з Беражнога даслала некалькі фота- і відэазамалёвак, у цэнтры якіх «Навіны Палесся». Сям’я Літвінка са Стругі разам з унукамі чытаюць «НП», што і адлюстравалі на здымку. Парадаваў не толькі акцёрскай гульнёю, а і сваім выкананнем песні сын Вольгі Вандзіч з Белавушы. На фотасесію ў студыю накіравалася Вікторыя Крупкевіч (удзельнік конкурсу Алена Петравец з Давыд-Гарадка).
І… мы не змаглі абмежавацца толькі трыма прызавымі месцамі, а выбралі больш пераможцаў. Валянціна Сенькавец і Валянціна Вабішчэвіч атрымліваюць спецыяльныя падарункі ад «НП», індывідуальны падарунак і для сям’і Ганны Літвінка.
Фен дастаецца Алене Петравец, партатыўная калонка – Вользе Вандзіч, а блендар тры ў адным – Марыі Міцкевіч.
Таксама дыпломы ад «НП» атрымліваюць Аксана Калесніковіч, Антаніна Смірнова, Юлія Сянько і Кацярына Слуцкая.
Віншуем пераможцаў!
Заставайцеся і надалей з намі!