«Зорка» заззяла…

Роўна год таму, у Дзень народнага адзінства, на базе сярэдняй школы № 2 г. Століна адчыніў свае дзверы музей у гонар камандзіра 2-й брыгады асаблівага прызначэння Сцяпана Паўлавіча Каплуна.

Сотні навучэнцаў і гасцей нашага горада ўжо наведалі гэты музей і бліжэй пазнаёміліся з гісторыяй партызанскага руху. Пошукавы атрад, сфарміраваны на базе школы, працягвае сваю працу. Дзеці пад кіраўніцтвам сваіх педагогаў папаўняюць фонд музея.
Таму да дня нараджэння музея, а таксама ў гонар Дня народнага адзінства з’явілася новая экспазіцыя «Зорка», прысвечаная партызанскаму руху менавіта на тэрыторыі Столінскага раёна.
Спонсарам, які падтрымаў ідэю, стаў дырэктар РУП «Брэсцкае агенцтва па дзяржаўнай рэгістрацыі і зямельным кадастры» Васіль Халадцоў. На стварэнне дадзенай экспазіцыі ён вылучыў 3.000 беларускіх рублёў.
Раней за актыўны ўдзел у стварэнні музея С. П. Каплуна на базе сярэдняй школы № 2 г. Століна і праведзеную пошукавую працу старшыня раённага Савета дэпутатаў Аляксандр Ярашэвіч уручыў памятныя знакі «Юны абаронца Айчыны» Грамадскай палаты Саюзнай дзяржавы навучэнцам – Яніне Беразоўскай, Алегу Лазурэнку, Пятру Ліпскаму і Вікторыі Мазоль. Расійскім камітэтам ветэранаў памятнымі знакамі «За адзнаку ў пошукавым руху» ўзнагароджаны дырэктар СШ № 2 Наталля Ляшкевіч, намеснік дырэктара па выхаваўчай рабоце, настаўнік рускай мовы і літаратуры Марына Каральчук, кіраўнік пошукавага атрада Таццяна Пявец.

Надзея Грэчка
Фота аўтара

Автор публикации

не в сети 21 час

admin

Комментарии: 1Публикации: 12199Регистрация: 17-05-2019