Стралковы турнір

21 лютага ў ФСК «Аквамарын» прайшоў турнір па стральбе з пнеўматычнай вінтоўкі сярод людзей пенсіённага ўзросту, прысвечаны Дню абаронцаў Айчыны. – Раённы Савет ветэранаў стараецца як мага часцей праводзіць розныя спартыўныя мерапрыемтсвы для людзей пенсіённага ўзросту, – расказаў старшыня райсавета ветэранаў Анатоль Максімовіч. – Зусім нядаўна мы праводзілі турнір па шашках, цяпер вызначаем найбольш меткіх. Дзякуй усім, хто прыйшоў паўдзельнічаць. Здаецца, што такі турнір прыйшоўся даспадобы, таму што амаль усе мужчыны любяць пастраляць у ціры. Такая любоў у многіх яшчэ з дзяцінства. Плануем і далей праводзіць такія мерапрыемствы. Усяго ў турніры па стральбе прынялі ўдзел 11 чалавек. Першае месца заняў Андрэй Прылуцкі, другое – Эдуард Пашкевіч, трэцяе – Сцяпан Комар. Удзельнікі і арганізатары турніру выказваюць падзяку Столінскай ДТСААФ за дапамогу ў арганізацыі спаборніцтваў. Аляксандр НІКІФАРЭНКА