Работнікі аддзелаў райвыканкама, РАНС, райгазу і іншыя прынялі ўдзел у аднаўленні пасадкі лесу

У рамках рэспубліканскай акцыі «Тыдзень лесу» работнікі аддзелаў райвыканкама, РАНС, райгазу і іншыя прынялі ўдзел у аднаўленні пасадкі лесу на гарадскіх землях паблізу райаддзела па надзвычайных сітуацыях. Участак плошчай 1,5 га быў адведзены летась, дзе былі паса-джаны сосны, але з-за спякотнага надвор’я большасць маладых дрэў загінула. У гэтым годзе вырашана аднавіць будучы гарадскі лес соснамі-двухлеткамі. Таксама працягваецца добраўпарадкаванне райцэнтра і навядзенне парадку на набярэжнай ракі Копанец. Для аднаўлення і ачышчэння рэчышча ракі тут працуе экскаватар ПМК-62, які зараз выдаляе хмызняк і старую вярбу. Аляксандр НІКІФАРЭНКА Фота аўтара