Віктар Вабішчэвіч (1960-2025). Паэт, якога мы будзем памятаць…

🕯 Сумная вестка

18 жніўня 2025 года пайшоў з жыцця наш зямляк, паэт Віктар Вабішчэвіч — чалавек светлага слова, шчыры сябра бібліятэк і тонкі лірык, які нястомна дарыў чытачам цеплыню і глыбіню сваіх думак. Зусім нядаўна ён адзначыў 65-годдзе, працягваючы натхняць і здзіўляць сваім творчым дарункам.

Віктар Вабішчэвіч — аўтар шасці паэтычных зборнікаў, у якіх адлюстравана любоў да роднай зямлі, памяць, чалавечая блізкасць і ціхая мудрасць. Яго вершы — гэта шчырая размова, у якой кожны знаходзіў адлюстраванне сваіх пачуццяў і перажыванняў.

Яго сыход — невымоўная страта для ўсіх, хто цэніць шчырае слова і сапраўдную паэзію, хто асабіста ведаў таленавітага і сціплага чалавека.

Бібліятэчнае супольніцтва Століншчыны выказвае глыбокія спачуванні родным і блізкім Віктара Вабішчэвіча. Светлая памяць пра яго застанецца ў нашых сэрцах і на старонках яго кніг.

📷 На фота: Віктар Вабішчэвіч у Давыд-Гарадоцкай гарадской бібліятэцы. Паэт перадае ў дар свой апошні прыжыццёвы зборнік вершаў, пакідаючы чытачам шчырыя радкі, прасякнутыя любоўю да роднага краю і чалавечай душы.