8 сакавіка – дзень жанчын

Напярэдадні Дня жанчын у г. Століне прайшоў традыцыйны злёт жывёлаводаў «Вясна прыходзіць з жаночых рук», які сабраў лепшых прадстаўнікоў галіны з усіх куткоў раёна.
Як і ў мінулыя гады, мерапрыемства прайшло ў атмасферы сяброўства і прафесійнага адзінства, стаўшы важнай падзеяй для ўсёй сельскагаспадарчай супольнасці.

Ва ўрачыстай частцы мерапрыемства прынялі ўдзел першы намеснік старшыні райвыканкама, начальнік упраўлення па сельскай гаспадарцы і харчаванні Васіль Літвінкевіч, дырэктар філіяла «Столінскі раённы аграпрамысловы саюз» Брэсцкага абласнога аграпрамысловага саюза Андрэй Засімовіч і старшыня райкама прафсаюза работнікаў аграпрамысловага комплексу Уладзімір Семянюк.

Кульмінацыяй злёту стала ўшанаванне лепшых жывёлаводаў раёна – усе прысутныя работнікі атрымалі заслужаныя ўзнагароды і, вядома ж, кветкі.

Аляксандр НІКІФАРЭНКА
Фота аўтара