Першы ў краіне фестываль працаўнікоў вёскі «Дажынкі» правялі ў мінулую нядзелю на Століншчыне – самым вялікім раёне краіны.
Наш раён завяршыў уборачную кампанію ў рэкордныя тэрміны – спатрэбілася крыху больш за месяц. З гэтай нагоды для хлебаробаў зладзілі традыцыйнае свята. У гэтым годзе сталіцай галоўнага свята раёна стаў аграгарадок Плотніца.
Адданасць земляробчым традыцыям, самаахвярнасць і высокая адказнасць, праяўленая падчас жніва хлебаробамі Століншчыны, заслугоўваюць высокіх узнагарод.
На галоўным раённым свяце прысутнічалі прадстаўнікі дэлегацый з усіх 16 сельскагаспадарчых арганізацый Столінскага раёна, якія сваёй плённай працай унеслi вялiкі ўклад у агульны каравай.
Менавіта ім мы выказваем словы ўдзячнасці за працу.
Павіншавалі пераможцаў, прызёраў і перадавікоў у сельскай гаспадарцы старшыня райвыканкама Рыгор Пратасавіцкі, дэпутат Палаты прадстаўнікоў Нацыянальнага сходу Аляксандр Вячорка, старшыня райсавета дэпутатаў Аляксандр Ярашэвіч, першы намеснік старшыні – начальнік упраўлення па сельскай гаспадарцы і харчаванні Васіль Літвінкевіч, старшыня Брэсцкай абласной арганізацыі Беларускага прафсаюза работнікаў аграпрамысловага комплексу Аляксандр Саланевіч і старшыня Столінскай раённай прафсаюзнай арганізацыі Беларускага прафсаюза работнікаў аграпрамысловага комплексу Уладзімір Семянюк.
Пасля ўручэння дажыначнага снапа да прысутных звярнуўся старшыня райвыканкама Рыгор Пратасавіцкі:
– Калі казаць пра вынікі мінулай пяцігодкі, аграрыі Століншчыны прыраслі на 160 працэнтаў. За тры гады гэтай пяцігодкі ўжо на 120 працэнтаў. Таму будучыня ў Століншчыне толькі за кошт эфектыўнага развіцця вытворчасці. На Століншчыне абрад «Дажынак» праводзіцца з 1984 года, калі з’язджаліся ўсе прадстаўнікі ўсіх абласцей. Тады гэта быў фестываль пад эгідай культуры.
Свята працаўнікоў вёскі – гэта не толькі магчымасць сказаць шчырыя словы падзякі, гэта выдатная нагода адзначыць лепшых і ўручыць заслужаныя ўзнагароды. Першымі на святочную сцэну выйшлі кіраўнікі сельскагаспадарчых арганізацый раёна, якія дасягнулі высокіх паказчыкаў на ўборцы ўраджаю і сталі пераможцамі ў 2024 годзе. І пераможцам раённага спаборніцтва стала КУВП «Манькавічы» на чале з Аляксеем Мікулічам. Другое месца заняў СВК «Фядорскі» (старшыня Мікалай Агафонаў), трэцяе – ААТ «Новая Прыпяць» (дырэктар Андрэй Засімовіч).
Далей Рыгор Пратасавіцкі ўшаноўваў пераможцаў раённага спаборніцтва, якія занялі першыя месцы на ўборцы ўраджаю збожжавых і зернебабовых культур у 2024 годзе: старэйшага камбайнера СВК «Фядорскі» Леаніда Свірскага; мала-дзёжны экіпаж ААТ «Новая Прыпяць» у складзе старэйшага камбайнера Аляксея Ляшкевіча і камбайнера Івана Сямейкі; вадзіцеля КУВП «Манькавічы» Фёдара Белавуса; маладога вадзіцеля ААТ «Палессе АВМ» Сяргея Дзямко; галоўнага агранома СУП «Рубельскі» Дзмітрыя Пашкаўца; галоўнага інжынера СВК «Фядорскі» Дзяніса Савецкага.
У нашага народа заўсёды ў пашане людзі, рукамі якіх вырошчваецца хлеб. Мудрасць хлебароба, яго клапатлівае стаўленне да зямлі, цярпенне і працавітасць выклікаюць павагу і прызнанне. На сцэну былі запрошаны пераможцы раённага спаборніцтва, якія занялі другія месцы: экіпаж СВК «Фядорскі» ў складзе старэйшага камбайнера старэйшага камбайнера Сяргея Дворака і камбайнера Віктара Саўчука; вадзіцель КСУП «Прыпяць-2009» Мікалай Вярэніч; малады вадзіцель ААТ «Палеская ніва» Юрый Бруцкі.
Трэція месцы на ўборцы ўраджаю збожжавых і зернебабовых культур занялі: экіпаж СВК «Фядорскі» ў складзе старэйшага камбайнера Віталя Пешка і камбайнера Аляксандра Пачуйкі; вадзіцель КУВП «Манькавічы» Дзмітрый Яхнавец; малады вадзіцель ААТ «Новая Прыпяць» Аляксандр Мамайка.
Ганаровымі граматамі і падзячнымі лістамі раённага выканаўчага камітэта былі ўзнагароджаны: трактарыст-машыніст КСУП «Відзіборскі» Уладзімір Яворскі; трактарыст-машыніст КСУП «Прыпяць-2009» Міхаіл Гарагляд; трактарыст-машыніст ААТ «Палессе АВМ» Аляксей Знавец; трактарыст-машыніст ААТ «Кароцічы» Іван Леська; вадзіцель КСУП «Відзіборскі» Анатоль Хірса; трактарыст-машыніст ААТ «Кароцічы» Іван Кудласевіч.
Ганаровымі граматамі і падзячнымі лістамі раённага Савета дэпутатаў узнагароджаны: дырэктар ААТ «Кароцічы» Васіль Кудласевіч; трактарыст-машыніст ААТ «Церабяжоў-Агра» Сяргей Юрчук; трактарыст-машыніст СУП «Рубельскі» Мікалай Каляда; трактарыст-машыніст КСУП «Прыпяць-2009» Міхаіл Вярэніч; трактарыст-машыніст КСУП «Рухчанскі» Сяргей Васілевіч і вадзіцель ААТ «Палеская ніва» Аляксандр Кананчук.
Ганаровымі граматамі ўпраўлення па сельскай гаспадарцы і харчаванні і падзякай начальніка ўпраўлення ўзнагароджаны: трактарыст-машыніст КСУП «Струга» Уладзімір Козел; вадзіцель КСУП «Рухчанскі» Мікалай Колб; трактарыст-машыніст ААТ «Палессе АВМ» Мікалай Акуліч; вадзіцель ААТ «Церабяжоў-Агра» Яўген Вярэніч; трактарыст-машыніст КСУП «Беражное» Канстанцін Юрко; трактарыст-машыніст КСУП «Варані» Аляксандр Хлябовіч і вадзіцель ААТ «Лядзецкі» Іван Астапчук.
Ганаровымі граматамі і падзякамі Брэсцкага абкама прафсаюза работнікаў аграпрамысловага комплексу ўзнагароджаны: сямейны экіпаж камбайнераў ААТ «Новая Прыпяць» у складзе Уладзіміра і Валерыя Буяк; вадзіцель СУП «Рубельскі» Анатоль Ляшкевіч; сямейны экіпаж камбайнераў ААТ «Новая Прыпяць» у складзе Дзмітрыя і Руслана Бойка; вадзіцель СВК «Фядорскі» Дзмітрый Багатка; сямейны экіпаж камбайнераў ААТ «Новая Прыпяць» у складзе Івана і Рыгора Крупкевічаў; вадзіцель КСУП «Відзіборскі» Сяргей Зельманчук; вадзіцель СВК «Фядорскі» Аляксей Курган.
Ганаровымі граматамі і падзякамі Столінскай раённай прафсаюзнай арганізацыі Беларускага прафсаюза работнікаў аграпрамысловага комплексу ўзнагароджаны: трактарыст-машыніст ААТ «Церабяжоў-Агра» Васіль Лукша; трактарыст-машыніст СФГ «вопыт КАА» Мікалай Давідчук; трактарыст-машыніст ААТ «Палеская ніва» Уладзімір Ляшкевіч; вадзіцель КСУП «Струга» Аляксандр Батвінка; трактарыст-машыніст ААТ «Лядзецкі» Валерый Ляшук; вадзіцель КСУП «Беражное» Вячаслаў Васілевіч і трактарыст-машыніст КСУП «Варані» Анатоль кукулеску.
Таксама ў рамках раённых «Дажынак» стала добрай традыцыяй праводзіць конкурс на лепшую кампазіцыю з цюкоў саломы сярод сельскагаспадарчых арганізацый Століншчыны. Журы конкурсу вызначыла пераможцаў. Першае месца заняла кампазіцыя пад назвай «Прыгарынская прыстань Дажынак» прафсаюзнай арганізацыі ААТ «Новая Прыпяць» (старшыня прафкама Аляксандр мазоль); другое месца-кампазіцыя «Рухчанскі падворак» першаснай арганізацыі КСУП «Рухчанскі» (старшыня прафкама Таццяна Бруцкая) і трэцяе месца – кампазіцыя «у гасцях у казкі» прафсаюзнай арганізацыі СВК «Фядорскі» (старшыня прафкама Юлія Мельніковіч). Таксама дыпломамі ўдзельнікаў конкурсу, якія не занялі прызавыя месцы, удастоены прафкамы ААТ «Церабяжоў-Агра», ААТ «Кароцічы», ААТ «Палессе АВМ», КСУП «Відзіборскі», КСУП «Прыпяць-2009».
Пасля ўрачыстай часткі, прысвечанай «Дажынкам», свята працягнулася Днём вёскі.
Ганаровымі граматамі райвыканкама за ўклад у падрыхтоўку і правядзенне раённага фестывалю-кірмашу працаўнікоў вёскі «Дажынкі-2024» у аг. Плотніца ўзнагароджаны дырэктар КСУП «Прыпяць-2009» Рыгор Курган і машыніст экскаватара «ПМК Столінрайаграсэрвіс» Іван
Лобец.
За шматгадовую добрасумленную працу, узорнае выкананне службовых абавязкаў і ў сувязі са святкаваннем раённага фестывалю-кірмашу працаўнікоў вёскі падзячнымі лістамі райвыканкама ўзнагароджаны галоўны бухгалтар КСУП «Прыпяць-2009» Валянціна Вабішчэвіч; прараб КСУП «Прыпяць-2009» Васіль Вярэніч і юрысконсульт КСУП «Прыпяць-2009» Святлана Свірская.
На сцэне таксама ўшаноўвалі Ганаровымі граматамі і падзякамі раённага Савета дэпутатаў жыхароў аг. Плотніца за добрасумленную працу, значны асабісты ўклад у добраўпарадкаванне і навядзенне парадку на зямлі Плотніцкага сельсавета ў сувязі з падрыхтоўкай да правядзення раённага фестывалю-кірмашу працаўнікоў вёскі.
Так, былі ўзнагароджаны настаяцель прыхода храма Пакрова Прасвятой Багародзіцы іерэй Павел Мануйла; аграном КСУП «Прыпяць-2009» Анатоль Бокша; машыніст экскаватара Столінскага ПМС Ігар Ванагель; слесар-рамонтнік структурнага пад-раздзялення «Дрэваапрацоўка» КУШВП «Столінская ЖКГ» Сяргей Вярэніч; трактарыст цэха «Спецгараж» КУШВП «Столінская ЖКГ» Сяргей Літвінка; трактарыст-машыніст КСУП «Прыпяць-2009» Ігар Некрашэвіч і інжынер па ахове працы і тэхніцы бяспекі КСУП «Прыпяць-2009» Міхаіл Тарыгін.
Завяршылася святкаванне канцэртнай праграмай «Хлебам і песняй славім свой край» з удзелам лепшых творчых калектываў і сольных выканаўцаў раёна.
Аляксандр НІКІФАРЭНКА
Фота аўтара
