Стала добрай традыцыяй напярэдадні Навагодніх святаў прыходзіць у госці да жыхароў дамоў сямейнага тыпу з падарункамі ад кіраўніцтва раёна. Такіх устаноў у райцэнтры тры.
Звычайна, дзеткі да візіту таксама рыхтуюцца – вершы, песні, танцы і, канечне, загадваюць святочныя пажаданні.
Відавочна, што такія мары абавязкова павінны збывацца.
Вось перад Раством Хрыстовым жыхары дамоў сямейнага тыпу, як і загадвалі, пабывалі ў казачнай зімовай Белавежскай пушчы і ў адным з забаўляльных цэнтраў горада Пінска.
Дапамаглі ажыццявіць мару дзетак чараўнікі з мясцовых сельгаспрадпрыемстваў – ААТ «Цярабяжоў-агра» і «Палессе АВМ», а таксама раённага фізкультурна-спартыўнага клуба.
Алена КЛІМУШКА
