Дзень ведаў на Століншчыне
Першага верасня ва ўсіх школах раёна прайшлі ўрачыстыя лінейкі і школьны званок паклікаў на першы ўрок, тэма якога – “Адзінства беларускага народа – аснова незалежнасці краіны”.
У Церабяжоўскай сярэдняй школе сёлета ў першы клас прыйшлі сем вучняў, выпускнікоў — шэсць.
З Днём ведаў школьнікаў і іх бацькоў, настаўнікаў і гасцей павіншавалі дырэктар школы Вадзім Шпакевіч, старшыня раённага аб’яднання прафсаюзаў Вячаслаў Шэлест і начальнік змены аддзялення пагранічнага кантролю «Верхні Церабяжоў» Вячаслаў Жураўлёў.
За шматгадовую добрасумленную працу ў сістэме адукацыі і дасягнутыя поспехі ў выхаванні падрастаючага пакалення Ганаровай граматай галоўнага ўпраўлення па адукацыі Брэсцкага аблвыканкама ўзнагароджана настаўніца пачатковых класаў Святлана Нікіфараўна Кулік – першая настаўніца сёлетніх першаклашак.
Старшакласнікі ўручылі першакласнікам падарункі ад Прэзідэнта Рэспублікі Беларусь Аляксандра Лукашэнкі – кнігі “Беларусь — мая Радзіма”.
У добры шлях па Краіне ведаў!
