• ru
  • by
  • 4 июля

    USD

    EUR

    Столин

    17C

    Чалавек справы: Хто працуе, той і есць

    26.06.2020

    280

    0

    … гучыць народная мудрасць. Бо работа-работай, а абед па раскладу. Таму імчыць на машыне повар ААТ «Кароцічы» Марына Талмачэвец, каб накарміць працаўнікоў гаспадаркі. А як смачна абедаць на полі! Ведаю гэта не па чутках, бо ўжо двойчы і сама з задавальненнем ела на полі.
    Пакуль хлопцы папоўніцы
    ядзяць суп, размаўляем з Марынай Васільеўнай. З самага ранку кіпяць справы ў сталовай як у прамым, так і ў пераносным сэнсе слова. Не дзіўна, трэба ж нагатаваць ежы на 30 мужчын, а гэта не так хутка. Становяцца дзяўчаты да пліты ў 9 гадзін, а ў 12 ужо складаюць стравы на машыну.
    – Самае галоўнае, каб усё гарачае было, – кажа повар. – Нават калі спёка на вуліцы неверагодная, халодны суп есці зусім не хочацца. Таму на поле вязём усё, як гаворыцца, з пылу з жару.
    Асобная размова – гэта дарогі, па якіх развозяць абеды. У ААТ «Кароцічы» яны і па лесе і за раку вядуць, прычым пасля дажджоў асабліва цяжка дабрацца да механізатараў (ведаю таксама не па чутках). Але Марына Васільеўна на гэта адказвае жартам:
    – Наш вадзіцель Аляксей можа смела ўдзельнічаць у гонках па бездарожжы, бо мы заўсёды даязджаем да месца і не пакінулі без абеду ні аднаго механізатара. Звычайна наведваем ад чатырох да шасці ўрочышч, у якіх ідзе работа. Бывае, ад аднаго да другога амаль гадзіну едзем. Як выязджаем у 12 гадзін, то вяртаемся толькі амаль у чатыры гадзіны. Але ўсё гэта дробязі, галоўнае, што ўсе накормленыя і гатовыя працаваць далей.
    – Вось цікава, якія самыя любімыя стравы ў вашых работнікаў?
    – Бульба ў любым выглядзе! Не дарэмна ж беларусаў бульбашамі клічуць. Ну і, канешне, мяса, куды ж без яго. Катлеты, адбіўныя, смажанку, курыцу гатуем. Меню мы складаем самі і стараемся, каб стравы не паўтараліся за тыдзень – інтрыгу трымаем!
    Гатаваць многа для Марыны Васільеўны звыкла, бо яна – маці пяцярых дзяцей, за што дзевяць гадоў назад атрымала ордэн Маці. Дзве старэйшыя дачкі Таццяна і Валянціна ўжо замужнія жанчыны. А дома, акрамя мужа Сяргея, яшчэ два мужчыны – выпускнік Сяргей і дзевяцікласнік Уладзіслаў. Дапамагае дома 11-гадовая дачушка Марыя, якая вучыцца ў маці адной з галоўных жаночых абавязкаў – смачна кулінарыць.
    Ганна МЕЛЬНІК
    Фота аўтара

    Автор публикации

    не в сети 5 часов

    admin

    Комментарии: 1Публикации: 3142Регистрация: 17-05-2019

    Обсуждение

    Для отправки комментария Вам необходимо войти или зарегистрироваться.

    Разработка сайта

    Яндекс.Метрика