• ru
  • by
  • 27 мая

    USD

    EUR

    Столин

    17C

    «Ад яе голасу сэрца замірае»

    27.03.2020

    266

    0

    Так кажуць усе, хто хоць аднойчы чуў, як спявае Святлана Андрайчук – вучаніца 9-га класа Сямігосціцкай сярэдняй школы. Песні ў яе выкананні кранаюць душу і праймаюць да слёз.
    Энергетыка, якая ідзе ад спявачкі, быццам накрывае хваляй. Здаецца, слухаў бы і слухаў.
    Талент у дзяўчынкі праявіўся ў самым раннім дзяцінстве. Яна выходзіла на вуліцу і спявала, бо думала, што ніхто не чуе. А суседзі чулі і казалі потым бацькам: «У вас спявачка расце, вельмі ж прыгожы голас». І сапраўды, як пайшла ў школу, Света стала ўдзельніцай вакальнага гуртка пры Сямігосціцкім доме культуры. Спачатку спявала ў гурце, потым пачала выступаць сольна. І зараз ні адно свята і мерапрыемства не абыходзіцца без яе выступлення. Я асабіста бачыла, як людзі плакалі, калі яна выконвала песню «Дзеці вайны» на Дзень Перамогі. Гэта сапраўдны талент – праз песню перадаць эмоцыі і пачуцці…
    Кранула выкананне Святланы Андрайчук і журы Адкрытага конкурсу патрыятычнай песні «Моладзь і час: подзвіг у імя будучыні», які праходзіў у мінулым годзе ў Брэсце. Туды яна паехала разам са сваім кіраўніком вакальнага аб’яднання пры Доме культуры Таццянай Арлянін. У гэтым конкурсе прымалі ўдзел юныя таленты з усёй краіны – каля 200 чалавек. Многія з іх – навучэнцы музычных школ і каледжаў. Святлана была за кулісамі і бачыла, як па-рознаму артысты рыхтуюцца да выступленняў: адзін абстрагуецца з дапамогай тэлефона, другі, наадварот, увесь час жартуе ў кампаніі. Сама ж дзяўчына расхвалявалася, хоць не ўпершыню даводзілася выступаць перад публікай. Выйшла на сцэну, а сэрца трымцела…
    Калі аб’явілі вынікі і сказалі, што Святлана Андрайчук стала лаўрэаткай III ступені, нават здзіўлена спытала: «А хто гэта?». І толькі потым да дзяўчыны прый-шло разуменне таго, што гэта яна. Радасці не было межаў. А яшчэ з’явілася ўпэўненасць у тым, што музыка – гэта яе шлях.
    Святлану можна назваць універсальнай артысткай. У яе рэпертуары песні любых жанраў: патрыятычныя, народныя, сучасныя. Яна аднолькава цудоўна спявае як на рускай, так і на беларускай мове. А нядаўна вывучыла песню французскай зоркі Indila, якую выканала на 8 Сакавіка і чарговы раз прыемна ўразіла ўсіх слухачоў. Таксама Свеце падабаецца творчасць рускай спявачкі Anivar за яе прыгожы вакал і паважлівае стаўленне да сваіх слухачоў. Дзяўчына ўпэўнена, што на першым месцы ўсё ж павінен быць голас, а не эпатаж, якога зараз вельмі многа сярод сучасных артыстаў.
    У дзяўчыны ёсць дзве старэйшыя сястры Дар’я і Алена і малодшы брат Ілья. Дарэчы, дзяўчаты таксама цудоўна спявалі, але выбралі іншыя прафесіі. А вось Свеце жадаюць ісці толькі па музычнай дарозе, заўсёды падтрымліваюць і радуюцца яе поспехам.
    Нягледзячы на талент, дзяўчына здзіўляе мяне сваёй сціпласцю і зусім не лічыць сябе зоркай. Пры-знаецца, што раней нават не думала звязваць сваю будучыню з музыкай, бо лічыла яе проста любімым заняткам. Але ў гэтым годзе цвёрда вырашыла паступаць у музычны каледж у Мінск. Вераць у Святлану і жадаюць поспехаў абсалютна ўсе: бацькі, сёстры, сябры, настаўнікі і аднакласнікі. Далучаюся і спа-дзяюся, што ў нас абавязкова яшчэ з’явяцца нагоды для інтэрв’ю.
    Ганна МЕЛЬНІК
    Фота аўтара

    Автор публикации

    не в сети 1 час

    admin

    Комментарии: 0Публикации: 2922Регистрация: 17-05-2019

    Обсуждение

    Для отправки комментария Вам необходимо войти или зарегистрироваться.

    Разработка сайта

    Яндекс.Метрика