• ru
  • by
  • 16 октября

    USD

    EUR

    Столин

    12C

    «Стыль душы»: прыгажосць і клопат пра сябе

    30.08.2019

    28

    0

    Кожная прадстаўніца прыгожай паловы чалавецтва хоча быць дагледжанай, выглядаць акуратна, радаваць навакольных сваім свежым і прывабным выглядам.
    Жыхаркам райцэнтра і раёна ў навядзенні прыгажосці дапамагае майстар Вікторыя Пратасавіцкая. Яе студыі з інтрыгуючай назвай “Стыль душы”, якая размешчана ў будынку рэстарана “Гарынь”, восенню будзе два гады. Яна аказвае паслугі: мадэліраванне, карэкцыя, афарбоўка хной і фарбамі, ламініраванне вейкаў і броваў, афарбоўка вейкаў, розныя віды макіяжу – вясельны, вячэрні, дзённы, для фотасесій. Да таго ж у студыі можна прайсці курсы мэйкапу для сябе.
    Вікторыя – чалавек мэтанакіраваны па жыцці. Як сама прызнаецца, адна з рыс яе характару перфекцыянізм. Гэтаму з дзяцінства вучыла маці, якая гаварыла: “Лепш менш, ды лепш”. Віка ўзяла гэтае правіла за аснову: калі брацца за якую справу, то рабіць яе якасна і добрасумленна, даводзіць пачатае да ідэальнага стану.
    Вікторыя мае дзве адукацыі – фінансавую і псіхалагічную. Яе першае працоўнае месца – Столінскае райспажыўтаварыства. Тут яна праводзіла час з лічбамі. Работа падабалася.
    Знаёмства з асновамі макіяжу пачалося з курсаў Таццяны Бу-дзянковай з Баранавіч. На працягу некалькіх месяцаў яна праводзіла для групы столінскіх дзяўчат навучанне, знаёміла з правільным нанясеннем дэкаратыўнай касметыкі. Таццяна дзялілася з удзельніцамі сакрэтамі і фішкамі ў рабоце, звяртала ўвагу на важныя моманты пры нанясенні касметычных сродкаў. Вікторыю захапіў гэты занятак. Яна пачала больш дасканала вывучаць афармленне броваў.
    А праз некаторы час пакінула дзяржаўную работу і адкрыла сваю студыю. Муж падтрымаў справу.
    За час работы з’явілася шмат удзячных кліентак. Вікторыя дзеліцца: “Зрабіць бровы – гэта не проста ўзяць і намаляваць іх. Яны падбіраюцца пад форму твару і вачэй. Наносіцца спецыяльная разметка, прыбіраецца лішняе. Я люблю, калі ўсё выглядае натуральна. Падчас работы сваім кліенткам даю рэкамендацыі па доглядзе пяшчотнай скуры”.
    Майстар пастаянна займаецца самаадукацыяй і развіццём, наведвае разнастайныя курсы, майстар-класы. На сцяне ў студыі – шматлікія пасведчанні, дыпломы, сертыфікаты. Звычайна сустрэчы праходзяць у Мінску. З кожнай вяртаецца з новым багажом ведаў, які стараеццца ўкараніць у сваёй рабоце. Многа ведаў і ўменняў далі курсы кіеўскага майстра-бравіста Юліяны Сумарокавай.
    Вікторыя надае асаблівую ўвагу чысціні інструментаў, якімі карыстаецца. Таму наведвальніцы могуць быць упэўнены ў бяспечнасці працэдур. Працуе толькі з прафесійнымі фарбамі, якіх у наяўнасці да 10 відаў, хной з эфектам татуажу. Каб атрымаць патрэбнае адценне, патрэбна ў дакладных прапорцыях змяшаць фарбы.
    – Жанчына хоча быць прыгожай кожны дзень, – кажа Віка. – Я ведаю і ўмею рабіць прывабным твар з дапамогай броваў. Клапачуся пра тых, хто прыходзіць для мяне і ніколі не раю тое, што не будзе пасаваць ці можа прынесці шкоду.
    На старонках у сацыяльных сетках у Вікторыі Пратасавіцкай многа водгукаў ад дзяўчат і жанчын. Тут можна пазнаёміцца з яе работамі, запісацца на кансультацыю, як і па тэлефоне.
    Ды і сама майстар пацвярджае: “Лепшыя паказчыкі маёй работы – задаволеныя кліенты. Раблю сваю справу з радасцю і шчырым жаданнем зрабіць прывабнай кожную жанчыну”.
    Святлана МАРОЗ
    Фота
    аўтара

    Автор публикации

    не в сети 30 минут

    admin

    Комментарии: 2Публикации: 1816Регистрация: 17-05-2019

    Обсуждение

    Для отправки комментария Вам необходимо войти или зарегистрироваться.